NCAA games nagkainit sab
CEBU, Philippines - Magpadayon karong kagabii ang nagkainit na sab nga mga duwa sa NCAA Season 89 diin parehong tumong sa San Sebastian College (SSC) Golden Stags ug sa Jose Rizal University (JRU) Heavy Bombers nga moabante ngadto sa Final Four batok sa tagsa-tagsa nila ka kaatbang didto sa San Juan Arena.
Ang Stags mao hinooy mas labaw sa team standings kung itandi sa Heavy Bombers.
Ang 7-5 nga Stags kinsa mao karo'y naghupot sa ika-upat nga pwesto, makigsangka batok sa College of St. Benilde (CSB) Blazers sa alas 4 sa hapon.
Ang Heavy Bombers kinsa nahimotang sa ika-pitong luna, makigsangka batok sa Arellano University (AU) Chief kinsa layo na kaayo sa team standings sa ilang 4-9.
Nag-anam og kamang sa unahan ang Blazers bisan pa og nagsige sila'g kapilde sa sayong bahin sa torneyo apan dihang nagsugod na sila'g daog, mikatkat sila ngadto sa ikalimang pwesto sa ilang 5-7 nga baraha aron mabuhi ang paglaum nga moabante ngadto sa Final Four.
Kung mapilde karon ang Stags, mosamot kaduol sa ilang tinguha ang Blazers apan kinahanglan sab modaug ang Heavy Bombers batok sa Arellano aron dili sila mosamot pagtidlum.
Ang Colegio de San Juan de Letran (CSJL) Kinights ug ang San Beda College (SBC) Red Lions nagtabla karon sa unang pwesto sa parehong 10-2 nga baraha.
Laing team nga naningkamot sab nga molandig sa Final Four mao ang Emilio Aguinaldo College (EAC) Generals ug ang Lyceum of the Philippines University (LPU) Pirates. (FREEMAN)
- Latest
