Singwangcha fighters manulong sa Siquijor

CEBU, Philippines - Unom ka boksidor gikan sa Team Singwangcha ang manulong didto sa Siquijor aron mosukod sa abilidad sa tagsa-tagsa nilang mga

kaatbang  sa ipahigayong 1st Congresswoman Doc Anne Pernes Cup karong Septiyembre 30 didto sa Siquijor Capital Square.

 Ubos sa giya ni Cebuano trainer Brix Flores sa Noy Pacing Flores Stable, sila si Gherpaul Valero, Ardie Boyose, Neil John

Tabanao, Joey Canoy, Rajah Renoel Pael ug Bryan Samson   ang molingaw  sa mga  boxing fans sa Siquijor.

 Ang taga-Sarangani Province nga si Valero (15-14-3, 10KOs), kinsa lab-as pa sa iyang split decision nga kadaugan batok ni

former WBC flyweight champion Sonny Boy Jaro niadtong Agosto, makigharong ni Jomar Ministerio (5-5, 2KOs) sa Dipolog City.

 Si Boyose (7-0, 4KOs) makigtakus ni veteran journeyman  Jessie Tuyor (6-11, 3KOs), samtang si Pael (11-0, 4KOs) manalipod sa

iyang perpektong rekord batok ni Raul Posta (8-2, 2KOs) sa Iligan City.

 Sa iyang bahin, si Tabanao (4-0, 3KOs) makigsinukliay og kumo batok ni  Elmar Francisco sa Zamboanga City, samtang si Canoy

makigpinaksitay ni Jherald Tuyor (2-14, 1KO) ug si Samson (3-3, 1KO) tinguhang mokulit og daog atubangan sa iyang mga katagilungsod

batok ni Darius Elorde (1-1, 1KO).

 Ang maong fight card gipasiugdahan sa Naris Singwangcha ug  Rex 'Wakee' Salud Promotions ubos sa suporta sa Rajah Lapu-

Lapu Promotions ug provincial government sa Siquijor.

 Ang maong boxing event usa sa mga highlights alang sa kapistahan sa mahal nga patron sa Siquijor St. Francis of Asisi. (BANAT NEWS)