Cobras milubong sa Jaguars alang sa 4-0 nilang baraha sa semifinals sa CESAFI

CEBU, Philippines -  Giwiktan na sab sa defending champion Southwestern University (SWU) Cobras ang karibal nilang University of San Jose-

Recoletos (USJ-R) Jaguars pinaagi sa  paglubong, 69-49 sa second round sa semifinals sa 13th Cebu Schools Athletic Foundation Inc.

(CESAFI) kagabii didto sa Cebu Coliseum.

 Ning pagsuwat,  padayon pang nagduwa ang University of the Visayas (UV) Green Lancers batok sa University of San Carlos

(USC) Warriors.

 Nabiyaan ang Cobras sa first  period, 15-7, apan nakarekober kini sa second quarter aron moposte'g sayes puntos nga bentaha

sa halftime, 32-26.

 Gikan niadto, gikontrolar na sa Cobras ang duwa ug wala nila tugoti nga makasikit pa ang Jaguars. Ang Cobras miposte sa

labing daku nilang labaw nga 22 puntos sa third period sa iskor nga 52-30.

 Si Cameroonian recruit   Landry Sanjo mipugnit og  16  puntos, si Monbert Arong miamot og 12 puntos, samtang si Bernie

Bregondo mitampo'g 10 puntos alang sa Cobras nga misakmit sa ikaupat nilang sunod-sunod nga daog sa semifinals.

 Ang Jaguars gipangulohan ni Miguel Tabaloc nga mirehistro og 10 puntos, apan bugnaw kaayo silang Christian Parker, James

Regalado ug Rendell Senining.

Puntos matag usa

 SWU ( 69) - Sanjo 16, Arong 12, Bregondo 10, Tallo 8, Mohammed 5, Goloran 4, Siewe 4, Ortega 4, Panerio 3, Acuno 3

 USJ-R  (49) - Tabaloc 10, C. Parker 8, M. Parker 6, Cinco 4, Lajato 4, Galvez 4, Bayhonan 4, R. Senining 3, C. Senining 2, Sanchez

2, Regalado 2 (BANAT NEWS)