CESAFI semifinals 2nd round

Sugod karong adlawa hangtod sa Sabado, Septiyembre, mahibaw-an na gyud kung kinsa'y magbagat sa finals sa collegiate ug sa high school division sa nagpadayong 13th season sa Cebu Schools Athletic Foundation, Inc. (CESAFI) diha sa Cebu Coliseum.

Karong adlawa ipadayon ang second round sa semifinals ug unang magsangka ang Cebu Eastern College (CEC) Dragons batok sa University of the Visayas (UV)  sa alas 5 sa hapon ug mosunod   dayon ang sangka tali sa Sacred Heart School-Ateneo de Cebu (SHS-Adc) Magis Eagles batok sa University of San Carlos (USC) Baby Warriors sa alas 6:45 sa gabii.

Giharus sa CEC ang 1st round sa semifinals sa ilang 3-0 nga baraha ug nagsunod kanila ang Magis Eagles kinsa human sa 8-0 sweep sa elimination, nahiagom sa una ug bugtong nilang kapildehan batok sa Dragons sa iskor, 63-62. Usa kadto ka masakit nga pagkasukamod nga mao sab ang sukdanan kung unsa gyud sila kalig-on isip defending champion.

Gani, naglisod sab ang Magis Eagles batok sa Baby Warriors sa wala pa sila hingpit molampos pagkulit og 78-72 nga kadaugan sa miaging semana ug tungod kadto sa grabeng pag-igo ni Jair Igna nga maoy nangu sa ilang opensa.

Ang wala gyud makahuygo sa 1st round mao ang University of the Visayas (UV) Baby Lancers kinsa nahiagom og tulo ka pilde nga maoy nakapaduda sa mga CESAFI fans ug lakip sab ang mga UV fans kung aduna pa ba kaha'y milagro aron sila moabante sa finals. Samtang wala pa mahuman ang torneyo, permanenteng adunay purohan apan tungason ang maong tahas ilabi na kay dili sab magpabentaha ang Dragons, Magis Eagles ug Baby Warriors.

Sa collegiate division hinoon, nagkahayag ang finals grudge rematch tali sa defending champion Southwestern University (SWU) Cobras ug sa losing finalists sa miaging tuig ang UV Green Lancers apan sama sa akong gikaingon sa unahan nga mentras wala pa mahuman ang liga, dunay tsansa ang USC Warriors ug ang USJR Jaguars.

Hinoon, mas adunay purohan nga maka-abante o makahimo'g dakung upset ang USC kung itandi sa USJR tungod kay aduna may duha ka Cameronian imports ang Warriors nga silang Ahmed Salihou ug Barry Amon. Ang nakapabor sab gamay mao nga nag-anam og umento ang duwa ni Salihou ug duna na siya'y perimeter nga jumpshot gawas sa iyang maayong depensa.Halos matag duwa aduna gyud siya'y tulo ka blockshots ug dili lang ordinaryong tapal kung dili mura'g smash sa volleyball ang iyang buhaton nga molayat og kusog ug isalibay ang bola.

Medyo hilaw pa si Amin kung itandi sa ubang mga imports apan nagpakita siya'g tilimad-on o lihok nga mo-umento siya sunod tuig tungod kay mailhan sa iyang linihokan nga gusto siyang mokat-on ug dili problemado sa batasan kon "attitude."

Walay import nga ikasugakod ang USJR apan may swerte sila nga miabante sa semifinals tungod kay ang laing tulo ka teams nga walay import sama sa UC, CIT-U ug USPF, pulos gyud nangatagak nga wala makaabot sa finishing line.

Apan matod pa ni USJR team manager nga si Raffy Senining, ang amahan nilang Christian, Renzo ug Rendell Senining, nga medyo mo-maayo na ang ilang agi sunod tuig kay aduna sila'y moabot nga mga players nga daku'g ikatabang sa ilang kampanya.

Kagahapon atol sa gipahigayon nga West vs. East All Star Games sa CESAFI, giharus sa West teams ang East---104-82 sa high school division ug 87-80 sa collegiate division.

Si Miguel Plata sa USC maoy kampyon sa 3-Point shootout sa iyang 13 puntos ug si Jomari Sollano sa USPF maoy kampyon sa Slam Dunk Contest.

MISCELLANEOUS. Undisputedly, one of the happiest persons last Saturday was my 18-year old daughter Nicole who was having her debut party at the Diamond Hall of the Golden Peak Hotel. There was that traditional offering of 18 roses and 18 candles, gift-giving and giving messages to the celebrant. There  was a power-point presentation showing Nicole's photo from childhood up to present including her FB "selfies" prepared by none other than her loving brother Matt Erikson. The dance number presented by Matt, Paul and Rovel which call themselves  the "Nothing Wrong" trio, wowed the fans not only on how the medley dance was performed but by their craftiness of mixing the songs. As her father (parents with mother Gingging), we advised Nicole to try herself to be a good girl always and be good in her studies at the Cebu Normal University where she is taking up AB Mass Comm. At 18, she might already know how to distinguish what is right and what is wrong but definitely she don't know everything yet so she must run to us to seek advises. I was happy my friends Raffy Senining and Boy Te joined me in the celebration. Nino Imboy of Lite Shipping did not make it for a very tight and hectic schedule. Anyway, in behalf of Nicole, thanks to the gifts my friends.