CESAFI All-Star games himuon karon

CEBU, Philippines - Ang labing maayo ug mga piniling mga basketbolista  sa  13th Cebu Schools Athletic Foundation Inc. (CESAFI) mopakita sa ilang abilidad alang sa tinuig nga pagpahigayon sa East vs. West All-Star Game karong adlawa diha sa Cebu Coliseum.

 Ang kalingawan sugdan sa ala-1 sa hapon uban ang 3-point shootout ug slam dunk contest sa dili pa ang gipaabot nga sangka tali sa East ug sa West All-Stars.

  Si Kim Arvin Gomez sa University of Cebu (UC) Webmasters mosuway paglangkat pag-usab sa korona nga midaog sa 3-point shot contest tulo na ka tuig ang milabaw. Mohagit siya sa  iyang teammate  Noel Villanueva ug top gunner sa Southwestern University (SWU)  Cobras nga si Monbert Arong.

 Sa slam dunk competition,  sila si Jomari Sollano ug Art Camello sa University of Southern Philippines Foundation (USPF) Panthers ug Leonard Santillan sa University of the Visayas (UV) Green Lancers  mao mga paboritong modaog.

 Ang mga coaches Raul 'Yayoy' Alcoseba  ug Felix 'Donbel' Belano Jr., gipaabot modugang og lamas sa collegiate match dihang ilang bangungon ang panagribal sa UV ug SWU. Si Alcoseba mao mo-coach sa West team, samtang si Belano maoy modala sa East squad.

 Ang East  gilangkuban nilang Mike Harry Nzesseu, Hernal Escocio, John Michael Abad, Chris Yonnel Perolino, Raffy Octobre, Arvie Cabañero, Alfred Codilla ug Francisco Arong, Jr. sa UV, Ahmed Salihou, Stephen Que, Miguel Plata, Ian Ortega ug Nico Magat sa (University of San Carlos (USC)  Warriors ug Floyd Christian Taboada ug Joshua dela Cerna sa Cebu Institute of Technology-University (CIT-U) Wildcats.

 Sa habig sa West,  pangulohan kini ni SWU top guns  Monbert Arong, Bernie Bregondo, Adams Mohammed, Mark Jayven Tallo, Daryl Goloran, Landry Sanjo ug Fabrice Siewe, uban nilang James Regalado, Kyle Lajato ug Miguel Tabaloc sa University of San Jose-Recoletos (USJ-R) Jaguars,  Kim Gomez ug Noel  Villanueva ug Jan Michael Auditor  sa UC ug Jomari Sollano ug Artemio Camello sa USPF.

 Sa high school division, ang East  ni coach Delifin Pepito Jr.  gilangkuban nilang  Mark Roa, Marc Obado, John Ibot, Shann Christopher Tan ug Richmond Bulibuli sa Cebu Easter College (CEC) Dragons, Prince Cañete, John Carl Escalona, June Kent Manzo III, Ernesto Limitares ug Theo Joshua Flores sa UV,  Airam Sam Cantillas ug John Bahio sa USPF ug Jesse Aloro, Jonher Espina ug Benedict Nazareno sa CIT-U.

 Ang West team ni coach Rommel Rasmo magsalig ni Jair Edrie Igna, Zachary Huang, Arnie Padilla, Felixberto Jaboneta III, Giovanni Laguyo ug Lucky Ecarma sa Sacred Heart School-Ateneo de Cebu (SHS-AdC)  Paul Galinato, Carlo Ortega ug Clint Suelto sa USC, Justine Dacalos, Darrel Menina ug Niño Paon sa UC, John King ug Bryan Divinagracia sa USJ-R ug Steven del Campo sa Don Bosco Technology Center (DBTC) Greywolves. (BANAT NEWS)