Gabica, Biado Abante semis sa World 9-Bal championship

CEBU, Philippines -  Garbo sa Sugbu nga silang Antonio 'Gaga' Gabica ug Carlo Biado ang padayong mipaisa sa bandira sa Pilipinas dihang miabante sila sa semifinals sa 2013 World 9-Ball Championship didto sa Al Arabi Sports Club sa Doha,Qatar.

 Si Gabica, ang one-time "Athlete of the Year" sa Sportswriters Association of  Cebu (SAC) tungod sa iyang pagdaog og bulawan alang sa Pilipinas sa billiards atol sa 2007 Southeast Asian (SEA) Games didto  sa Thailand, mipukan ni German star Oliver Ortmann, 11-8, dayon gipilde si Ko Pin Yi sa Chinese-Taipei, 11-9 sa wala pa tagaka si Dutchman Nick  Van  Der Berg, 11-10 aron moabante sa semifinals.

 Ang 41-anyos nga si Gabica, lumad nga taga-Lapu-Lapu City moharong sunod ni Karl Boyes sa United

Kingdom, kinsa miabante sab sa semis human gipalagpot si Nick Ekonomopoulos sa Greece, 11-8.

 Ang kababayan ni Gabica nga si Biado padayon gihapon sa iyang laraw pagdaog sa  $36,000 grand prize human siya midaog batok ni Chris Melling sa United Kingdom sa quarterfinals, 11-3.

 Sa elimination rounds, si Biado mipukan usab ni Italian Fabio Petrino. Sunod sangkaon ni Biado ang German veteran nga Thorstenn Hohmann, kinsa mipalagpot ni Phl No.1 player Dennis Orcollo.

 Bisa'g unsa pa ang resulta sa ilang duwa sa  semifinals, sila si Gabica ug Biado segurado na nga mobulsa og $10,000 (P43,000).

 Ang katapusang Pinoy nga mikampiyon ning prestihiyosong torneyo nga ubos sa pagtugot sa World Pool

Association (WPA) mao si Francisco 'Django' Bustamante niadtong tuig 2010.

 Laing Pinoy players nga gikoronahan isip world pool champions mao sila si Efren 'Bata' Reyes niadtong tuig 1999 ug  Ronnie  Alcano  sa  tuig 2007. (BANAT PALARO)