Rekord ni Hazel Son

 Niadtong miaging Lunes (Septiyembre 2), nakadawat ako og mensahe sa akong facebook account gikan sa higala nakong si Harley Son, kanhi University of Cebu (UC) Webmasters nga tua na karon manimuyo sa Australia.

 Sa iyang gi-post sa FB, gipahibalo ni Harley nga ang iyang 15- anyos nga anak nga si Hazel Ivy Son, mao

karon ang usa sa labing paspas nga swimmer sa Australia sa girl’s 50-meter freestyle category.

 Ang rekord ni Hazel sa Queensland swimming tournament 25.80 sa freestyle ug usa siya sa medalist sa

Australian National swimming ug Queensland State swimming champion. Gani ang iyang rekord, mas taas o mas labaw pa sa 50m freestyle record sa Philippine swimming.

 Aron gyud ako makatuo, akong gi-search sa Google ang rekord sa Pilipinas sa maong kategoriya, apan wala ako’y nakita nga entry alang sa 15 years old division. Ang akong nakita mao lang ang sa 12 years under ug kini mao ang sa juniors division sa 50m butterfly nga nakuha ni Regina Maria Paz Castrillo sa iyang oras nga 29.68 atol sa 2013 Palarong Pambansa didto sa Dumaguete City.

 Samtang gihagoan nako'g suhid ang Philippine Swimming Association (PSA) record, ako sab namatikdan nga wala gyud diay klaro kining maong matang sa asosasyon kun pagbutang sa record book maoy hisgutan. Nagduda na hinuon ko nga kun dili man kini tikas, dili kini tinuod ug minao-mao lang sa mga tawo diha sa PSA aron makakuha’g pundo gikan sa Philippine Sports Commission. Kinsa man gud ang dili mahibulong nga dunay oras, dunay petsa kanus-a nahitabo, dunay ngan ug lugar kun diin gihimo ang torneyo, apan walay ngan sa swimmer. Unsa man ning kalakiha diay?

 Si Harley, lumad taga-Medellin sa amihanang Sugbu, usa ka ehemplo sa usa ka basketball player nga dunay panglantaw sa kinabuhi ug naningkamot nga mogradwar aron makakita og maayong trabaho. Ubos ni kanhi UC coach ug two-time basketball Olympian Joaquin 'Jake' Rojas, dili gyud mosipyat matag duwa makatilaw og kasaba si Son ilabi na gyud kun magsige siya'g kasayop. Wala kadto niya igsapayan kay alang kaniya, walay coach nga motudlo og tinunto ug iyang giisip nga ang mga pagsaway ni Joaquin mga matang lang sa "constructive criticisms" ug kinahanglan sabton sa player, himuong inspirasyon sa mga mosunod nga duwa.

 Kadaghan na nako komedyahi si Harley nga anhi na lang sa Pilipinas patunghaon sa kolehiyo ang iyang anak kay gawas nga libre sa tuition isip scholar-athlete, mahimo pa gyud siyang sakop sa Philippine team sa swimming ug ako maoy magsilbeng manager.

 Apan matud pa ni Harley nga lisud kaayo kun tua silang mga ginikanan sa Australia ug anhi sa Pilipinas ang anak ilabi na babaye ug delikado kun dili nila ma-monitor og maayo. Tinuod man sab hinuon nga dili lalim ang kabalaka nga bation sa ginikanan kun mahilayo kanila ang ilang anak mababaye man o malalaki.

 Wala gyu'd damha ni Harley nga ingon niini ka malampuson si Hazel ug ingon man ang iyang anak lalaki nga si Tim Heinrich Son.

 Matud pa usab ni Harley sa iyang FB: "But this is what I have learned, if anyone doubted your kids abilities because they thought it’s impossible because they have tried it. Just go for it - give chance to your kids... You may lost your friend that you treasure or wealth that you have built for many years because of the choices that you have made but it certainly add colors to your life. The struggles,  the challenges makes your life interesting and will never be dull."

 Nagpasalamat si Harley sa kanhi niya teammate sa UC nga si Jessie Bardaje kinsa tua na sab karon maninuyo sa Australia ug maoy usa sa iyang dangpan kun mingawon na siya dinhi sa Sugbu.

 Ang iyang anak lalaki nga si Tim, 12 anyos, usa sab sa labing maayong swimmer sa Queensland sa iyang age category dihang mihakot siya’g duha ka gold medals ug tulo ka bronze medals.

 Si Tim gitanyagan og usa ka sports ug academic scholarship atol unya sa iyang pagsulod sa high school sa usa sa labing maayong tunghaan didto sa Queensland.

 "Thank’s God I choose individual sports for them rather than a team sport where sometimes your hidden talent can’t be recognized," sumala pa ni Harley.

* * *

 MISCELLANEOUS. My daughter Nicole will be turning 18 years old today. She will be having her debut at

the Golden Peak Hotel along Gorordo Avenue on September 14.  Best wishes to you and be a good girl always. We love you.

 Happy 429th fiesta celebration to San Nicolas de Tolentino. More power to the people of San Nicolas.