Doc Salcedo kampiyon sa L ABBA

CEBU, Philippines -  Wala mokompiyansa ang Doc Salcedo team ug ilang gilubong ang  Lucky-9 sa iskor, 97-79 aron langkaton ang korona sa Lagtang Balik Basketball  (LABBA) 2013 Second Conference basketball tournament niadtong Domingo didto sa  Tabunok Sports Complex sa dakbayan sa Talisay.

 Ang Doc Salcedo ni team owner Chester Salcedo, igo lang  naglabaw og tres puntos sa opening period, 26- 23, apan milusad kini'g 21-13 run aron inaton ang labaw ngadto na sa double digits sa halftime, 47-36.

 Namintinar sa Doc Salcedo ang ilang double-digit nga abante sa mosunod nga mga kuwarter hinungdan nga wala gyud makatilaw og labaw ang Lucky-9 gikan sa pagsugod hangtod nahuman ang duwa.

 Si Jan-jan Cambayan nga sayong nanginit maoy nangulo sa Doc Salcedo nga mipabuhagay og 24 puntos,

gisundan ni Roy Abacajan nga adunay 20 puntos. Ang MVP contender nga si Rickboy Nacario miamot og 16 puntos.

 Si Donkoy Napoles, kinsa miposte'g 20 puntos, mao sab ang nangu sa pilderong Lucky-9 pinaagi sa iyang 20 puntos, samtang si Derik Cuizon miamot og 17 puntos ug silang Larry Bentic ug Muklo Sandoval  nagkumboya'g 30 puntos.

 Sa sayo pa,   ang CCR Cars midaog batok sa Siomai ni Edwin Nadal  sa iskor nga  96-87 pinaagi sa game-

high 26 puntos. Samtang si Ogie Baltazar mao usab ang  nangu   sa Siomai pinaagi sa iyang 30 puntos.

PUNTOS MATAG USA

Unang duwa:

 CCR CARS (96) - M. Abaquita 26, Abellana 16, E. Famulagan 12, E. Caballero 10, Zapanta 8, Minerva 8,

T. Fernandez 6, Traya 6, Abet 2, Abaquita 2

 SIOMAI (87) - Baltazar 30, Nadal 16, Nuñez 10, Cabrera 10, Mabunay 6, Bayarcal 6, Lirazan 2, Gabasan

2, Murillo 2

Ikaduhang duwa:

 DOC SALCEDO (96) - Cambaya 24, Abacajan 20, Nacario 16, Salcedo 12, Cabañero 6, Fernandez 6,

Econas 6, Camacho 4, Verano 2

 LUCKY-9 (79) - Napoles 20, Cuizon 17, Sandoval 15, Bentic 15, Echavez 6, Chavez 4, Zamora 1,

Mamalias 1 (BANAT PALARO)