Silvano misakmit sa WBO-OPBFtitle
CEBU, Philippines - Naangkon ni Virgilio ‘Maton’ Silvano sa Omega Boxing Gym ang WBO Oriental light flyweight title human siya miiskor og 12-round unanimous decision nga kadaugan batok ni Jetly Purisima sa main event sa 'Digmaan sa Kamao' fightcard niadtong Sabado sa gabii didto sa Balamban Sports Complex.
Grabe ang binayluay og kinumo nila ni Silvano ug Purisima, apan migawas nga mas daghan og napasud nga power shot si Silvano batok ni Purisima.
Ang garbo sa Dalaguete, Cebu maoy midaog sa judges scorecard nga 116-110, 116-110 ug 115-111.
Sa maong kadaugan si Silvano mipalambo sa iyang record ngadto sa 17-2,1 10KOs, samtang si Purisima minaug ngadto sa 17-13,5 KOs.
Sa supporting main-event, daling gipaundang ni kanhi WBO super flyweight champion Marvin 'Marvelous" Sonsona human niya gi-TKO si Jason Egera sa eight round.
Midaog usab ang flyweight contender nga si Froilan ‘The Sniper’ Saludar human way kukaluoy niya nga gikulata si Julius Alcos. (BANATSPORTS)
- Latest
