Benedicto, Abad kampeon sa Active Health Duathlon
MANILA, Philippines - Nagparamdam si AugusÂto Benedicto ng kanÂyang pagnanais na mabawi ang number one seeding kay Robeno Javier habang ang World Games veteran na si Mirasol Abad ay nagdomina sa kanyang dibisyon sa idinaos na Active Health Duathlon kahapon sa SCTEX South Clark Exit, Clark, Pampanga.
Pinagtulungang inorgaÂnisa ng BIKE KING sa paÂngunguna ni Raul Cuevas at Unilab Active Health, si Benedicto ay naorasan ng isang oras, 36 minuto at 29 segundo sa 6-k run, 40-k bike at 4-k run event para talunin si Robeno na may 1:38:25 tiyempo.
Si Robeno ang siyang number one sa ngayon habang ang papasibol na si Carlo Pedregosa ang pumangatlo sa 1:38:50 tiyempo.
Wala namang nakasaÂbay sa kababaihan sa kondisyon na si Abad na gumawa ng 1:52:49 at mahigit na tatlong minuto ang layo niya kay Kim Mangrobang na may 1:55:54.
Ang dating pambato sa triathlon na si Alessandra Gonzales ang nanalo ng bronze medal sa 1:56:49.
Halagang P10,000, P8,000 at P7,000 ang premÂyong napanalunan ng nangunang tatlong manlalaro sa elite divisions na ipinamigay nina Cuevas at Lester Castillo ng Unilab.
- Latest
