Hoopers hari sa IBP-Wednesday Club

CEBU, Philippines - Ang team Hoopers sa pagpangulo ni Yoly Meso milubong sa IBP-Gwapo aron sakmiton ang korona sa IBP-Wednesday Club 2013 basketball tournament sa miaging gabii didto sa Capitol Parish gym sa dalan Escario, ning siyudad.

 Unang miarangkada ang IBP-Gwapo ni Bads del Prado diin milusad kini'g impresibong 20-9 rally luyo sa mga

paningkamot nilang Benjo Macion ug Milky Villamor. Apan wala magpalupig ang Hoopers ug milusad sa kaugalingon

nilang  29-13 run  sa second period sa kombinasyon nilang Jacon Bonsucan, Lito Ortiz ug Andre Tocao aron masakmit

ang labaw sa halftime, 38-33.

 Padayong nanginit ang  Hoopers  sa second half hangtod

nakontrolar nila sa hingpit ang duwa sa fourth period.

 Si Bonsucan maoy nangu sa Hoopers human moposa og 21 puntos, samtang   silang Tocao ug Ortiz midugang

og 15 puntos matag usa. Sila si Alvin Zabala ug Art Flores nagkumboya'g 24 puntos.

 Ang napildeng IBP-Gwapo gipangulohan sab ni Villamor nga miburak og 20 puntos, gisundan ni  Del Prado

nga adunay 14 puntos ug nilang Macion ug Rey Abcede nga adunay 10 puntos matag usa.

PUNTOS MATAG USA

 HOOPERS (95) - Bonsucan 21, Ortiz 15, Tocao 15, Zabala 14, Flores 10, Meso 7, Alejandre 5, Ibo 4, Del

Rosario 2, Gonzales 2

 IBP-GWAPO (82) - Villamor 20, Del Prado 14, Macion 10, Abcede 10, Riveral 8, Lagahit 7, Manching 7,

Narido 4, Sususco 2  (BANAT NEWS)