Lexmark, Calltex mimakmak sa tagsa-tagsa nilang karibal
CEBU, Philippines - Yano kaayong gipilde sa Lexmark Stallions ug Calltek Trojans ang tagsa-tagsa nilang karibal sa 9th CSCC
E-League basketball tournament didto sa City Sports Club-Cebu gym sa Cebu Business Park.
Ang Lexmark nakabawi sa bugnaw nilang sinugdanan aron latuson ang Talleco Bandits, 78-57, samtang ang
Calltek mikontrolar gikan sa pagsugod hangtod nahuman ang duwa aron mapukan ang Kyocera Frontiers, 52-40.
Sa laing aksiyon, ang Telstra-Teletech Titans nidaog pinaagi sa "default" batok sa SSI Warriors.
Ang Lexmark ug Calltek nagtabla karon sa overall standings sa managsamang 8-2 win-loss records. Ang
Talleco nahiagom sa ikasiyam nilang sunod-sunod nga pilde gikan sa pagsugod sa liga, samtang ang Kyocera nagbitbit og
8-1 nga baraha.
Si Jake Pia maoy nangulo sa Lexmark pinaagi sa iyang 18 puntos, gisundan ni Niel Tiempo nga adunay 12
puntos. Si Franco Angelo Cipriano mikimada og 11 puntos alang sa Lexmark nga bugnaw kaayo pagsugod hinungdan nga
gibiyaan sila'g sayes puntos, 13-19 sa paghuman sa first quarter.
Apan ang Lexmark milusad og 20-10 run sa second quarter aron sakmiton ang labaw sa halftime, 33-19.
Ilang namentinar ang momentum sa nahabiling mga kuwarter hangtod nakuha ang 21 puntos nga kadaugan.
Si Mark Matidios maoy topscorer sa Talleco nga mipabuhagay og 15 puntos, lima ka rebounds ug lima sab ka
blocks.
Sa laing bahin, si Christian Judilla miduslit og 15 puntos alang sa Calltek nga midiktar sa duwa human
miposte'g 31-23 sa halftime. Misuporta sab si Jan Pierre Gellez nga mitampo'g 13 puntos.
Si Winston Stephen Panal mao lang ang bugtong scorer sa Kyocera nga mihimo'g double digits pinaagi sa
iyang 11 puntos uban ang unom ka rebounds. (BANAT NEWS)
- Latest
