L&T Meat Shop kampiyon na sa Kap Roy's Cup tourney

CEBU, Philippines -  Daw naibta'g tunok ang  L&T Meat Shop ni team manager/coach Niño Semblante human makaipsot sa ligas

kaayong duwa batok sa D' Jinx, 79-78 aron sakmiton ang korona sa Kap Roy's Cup Pulpogan Invitational basketball

tournament niadtong Lunes sa gabii didto sa Barangay Pulpogan gym sa Consolacion, Cebu.

 Gipangulohan ang kadaugan ni Jerome Valle, kinsa mihabwa og 23 puntos. Si Randy Colonia mihakot og 18

puntos, samtang si WingWong Dumaguit mihipos og 10 puntos alang sa L&T Meat  Shop nga gitimonan sab sa ilang

assistant coach nga si Bryan 'Lamay' Burlaos.

 Sa maong kadaugan, ang L&T Meat Shop nakadawat og P5,000 nga ganting salapi ug tropeyo.

 Ang D' Jinx ni team manager Joel Rombaiz gipangulohan sab ni Arturo Pepito Jr. pinaagi sa iyang 22 puntos.

 Laing tulo niya ka teammates ang mihimo  sab og double figures diin si Erwin Brigoli  miiskor  og 14 puntos,

gisundan nilang Rumar Ponce ug Antonio Linao nga adunay 11 puntos matag usa.

 Ang Kap Roy's Cup nahimong posible pinaagi sa suporta ni Pulpogan Brgy. Capt. Hon. Roger R. Linaboc,

Hon. Adrian G. Isoto, Hon. Avelino G. Bihag, Hon. Raymond P. Villanueva, Hon. Geroncio M. Azucenas, Hon. Aileen

Jane C. Osabel ug Charle Mendoza.

PUNTOS MATAG USA

 L&T MEAT SHOP (79) - Valle 23, Colonia 18, Dumaguit 10, Dahil 7, Cabahug 6, Pepito 5, Gerundio 4,

Antigua 4, Patigayon 2

 D' JINX (78) - Pepito 22, Brigoli 14, Ponce 11, Linao 11, Armean 9, Moriles 7, Hijapon 4 (BANAT NEWS)