UV batok USC sa sbp finals

CEBU, Philippines -  Human ilang naangkon ang bulawang medalya sa elementary division sa 18th Milo Little Olympics Regional Finals, ang University of San Carlos (USC) SBP

team mosuway na sab pagsakmit  og laing kampiyonato sa ilang pakigsangka ang University of the Visayas (UV) sa finals

sa MILO BEST-SBP Passerelle Twin Tournament 2013 Cebu Provincial Finals.

 Ang finals adto himuon sa SHS-AdC General Maxilom Avenue campus, ning dakbayan.

 Ang USC miabante sa finals   human ilang gimakmak ang SHS-AdC sa iskor nga 45-17, samtang ang  UV

milubong sa Don Bosco Greywolves, 45-30.

 Ang defending champion USC maoy nagdominar sa duwa gikan sa opening buzzer miposte   sila’g 11 puntos

sa halftime, 24-13.

 Ilang nainat ang   labaw ngadto sa 21 puntos, 36-15 human sa tulo ka kuwarter aron makuha ang luna sa

finals.

 Si Deanmark Rondina maoy nangu sa balanse opensa sa USC sa iyang 10 puntos.

 Tinguha karon sa USC nga mosakmit sa ilang ikaduhang sagunson nga korona sa Cebu SBP.

 Sa laing bahin, ang UV miagi una'g hagip-ot nga dalan sa wala pa nila ihawa ang DBTC.

 Si Mark EJ Dumandan maoy topscorer sa UV sa iyang nuybe puntos.

 Sa bugtong duwa   sa Passerelle division, ang UV  midaog human nila gilubong ang Southwestern University

(SWU),  60-20 aron magsolo sa liderato bitbit ang 4-0 nga baraha. (BANAT NEWS)