Phoenix ug Hoopers naka-iskor na SAB
CEBU, Philippines - Naka-eskapo ang powerhouse Phoenix Five batok sa Wildcats, 42-41 sa usa ka low-scoring ballgame samtang gilatos sa Hoopers ni Yoly Meso ang PICPA Snipers, 95-68 aron pabilin gihapong walay pilde sa nagpadayon nga elimination round sa 2013 Philippine Institute of Certified Public Accountants (PICPA) basketball tournament nga mitapon didto sa Don Bosco gym sa barangay Buhisan, ning dakbayan.
Si Melvin Judaya maoy nahimong bayani sa Phoenix human mosulod ang iyang jumpshot sa kataposang otso segundos ug midaug sa ikatulong higayon samtang ang Hoopers maoy nahimutang sa ikaduhang pwesto sa ilang 2-0 nga baraha.
Sikit ang duwa tali sa Phoenix ug Wildcats gikan sa sinugdanan diin nahitabo ang daghang lead changes ug nagbanos-banos sab og tabla.
Wala madugay, nakakuha'g offensive rebound si Lito Padios ug daling naka-assist ngadto kang Judaya sa nahibiling pipila ka segundos sa duwa aron maka-ipsot ang Phoenix.
Si Padios maoy nangu sa Phoenix sa iyang 13 puntos samtang midugang si Judaya og 10 puntos.
Sa main game, gidominar sa Hoopers ang PICPA Snipers gikan gyud sa opening buzzer hangtod nahuman ang duwa.
Ang pointguard nga si Andre Tocao ug si Jun Prosia maoy nangu sa Hoopers sa ilang 26 ug 17 puntos matag usa ug laing tulo ka kauban ang mibahug sab ug double figures nga naglakip kanilang Meso kinsa may 15 puntos, Khan Guieb sa iya sab nga 15 puntos ug Lito Ortiz kinsa miabuno og 14 puntos.
Silang Gino Cabuguas ug Arjam Bonsucan maoy nangu sa Snipers sa parehong 15 puntos matag usa.
Puntos matag usa:
PHOENIX (42)- Padios 13, Judaya 10, Piape 7, Caboneles 6, Lusica 4, Estrella 2.
WILDCATS (41)- Seares 16, Ompad 8, Trocio 6, Huyo-a 4, Faciol 4, Oyanguren 2, Morra 1.
Second Game:
HOOPERS (95)- Tocao 26, Prosia 17, Meso 15, Guieb 15, Ortiz 14, Prieto 8.
SNIPERS (68)- Cabuguas 15, A. Bonsucan 15, Zabala 13, Cuadra 13, Balucan 12. (BANAT NEWS)
- Latest
