Insular Square mikamang sa ikaduha sa SHAABAA

CEBU, Philippines -  Mikatkat sa ikaduhang puwesto ang Insular Square  human sa ilang 59-47 nga kadaugan batok sa RDAK

Transport sa nagpadayong Sacred Heart Ateneo Alumni Basketball Athletic Association (SHAABAA) Mivesa Cup didto

sa Sacred Heart School-Ateneo de Cebu basketball courts sa Canduman, Mandaue City.

 Ang Insular Square aduna  na'y 5-1 nga baraha, samtang ang  RDAK nagbitbit og 5-2 uban sa Gaisano

Capital.

 Gikontrolar sa Insular Square ang duwa gikan sa pagsugod hangtod na sa paghuman.

 Silang Job Shan ug Leigh Dixon parehong miposa og 13 puntos. Mihimo sab og double figures si Antonio

Datan sa iyang 12 puntos.

 Sa laing bahin,  ang Gaisano Capital milubong sa Alberto's Pizza, 66-48.

 Na-outscore sa Gaisano Capital ang Alberto’s Pizza didto sa second period, 14-4 aron molabaw og 13

puntos sa halftime, 27-14 ug wala na kini molingi pa   hangtod nahuman ang duwa.

 Si Frank Dinsay maoy nangu sa Gaisano pinaagi sa iyang 12 puntos uban ang 11 ka rebounds ug upat ka

assists, samtang si Pocholo Lao midugang og 11 puntos, unom ka rebounds ug unom sab ka assists.

 Sa laing aksiyon, ang  Goldberry Suites padayong mipupo og daog, ning higayona batok sa  San Jose

Bakeshop sa iskor nga 79-56.

 Si Justin Huang miiskor og 25 puntos, milangkat og 13 ka rebounds aron pangulohan ang Goldberry nga

temporaryong naghupot sa liderato uban ang 7-0 nga baraha.

 Gipilde sab sa San Remigio Aguilas ang A-Team, 81-70 alang sa labing una nilang daog.

 Gipangulohan ang Aguilas ni Serg Go Bui, kinsa mitusik og 33 puntos ug 25 ka rebounds.

 Ang reigning champion Cebu Landmasters midaog batok sa Milco pinaagi sa default alang sa ilang 4-3 nga

baraha.  (BANAT NEWS)