Consolacion mo-host laing football festival
CEBU, Philippines - Ang lungsod sa Consolacion mo-host na usab og laing football tournament nga uloha'g 4th Engineer's Fiesta Cup sa Oktubre 5-6 didto sa Sta. Lucia field.
Trese ka kategoriya ang tigian ning duha ka adlaw nga kompetisyon nga gi-organisar ni Engr. Nilo Ferraren.
Alang sa mga babayeng entrante, aduna kini kategoriya sa under-15 ug 18, ladies open ug inter-NPO.
Ang mga magduduwa sa 7, 9 ug 11 duwaon sa usa ka 5-a-side format, samtang ang uban ipaagi sa seven-a-side.
Aduna kini registration fee nga P800 alang sa players 7-11 class, P1,000 sa boys and girls 13-15, P1,200 sa under-18 ug P1,500 sa ubang kategoriya.
Alang sa dugang mga pakisayod sa maong kalihukan, mahimong mokontak ni Engr. Ferraren sa 0922-
8899443.
Ubos sa pagtugot sa Cebu Football Association (CFAS), ang torneyo gipaluyohan sa lokal nga kagamhanan sa lungsod sa Consolacion ubos sa liderato ni Mayor Teresa 'Nene' Alegado uban sa SM City-Consolacion ug ni Provincial Board Member Arleigh Sitoy.
- Latest
