Hoopers temporaryo karon nag-una sa standing
CEBU, Philippines - Nag-una na sa standing ang Hoopers team ni Yoly Meso human sa ilang 89-84 nga kadaugan batok sa IBP-A
ni skipper Bads Del Prado sa Wednesday Club basketball tournament niadtong Miyerkules didto sa Capitol Parish
gym sa dalan Escario, ning dakbayan.
Sikit ang duwa tali sa duha ka kampo diin igo lang naglabaw ang Hoopers og usa ka palito human sa first
period, 20-19. Nanginit ang opensa sa IBP-A sa second period diin mihimo sila'g 23-19
scoring run pinaagi sa pagtimon nilang Benjo Macion ug Van Ligutan aron mailog ang labaw, 41-39 sa halftime.
Mibawos sa pag-rally ang Hoopers ug ilang na-outscore ang IBP-A, 24-13 nga giduslitan sa ilang pointguard
nga si Andre Tocao uban nilang Benedict Bandala ug Lito Ortiz aron moposte sa ilang labing dakung labaw, 63-54
pagsugod sa fourth quarter.
Mihulga ang IBP-A sa fourth period gamit ang 30-26 rally sa tuyo nga ilang bawion ang labaw, apan pakyas
tungod kay nahutdan sila'g oras.
Si Tocao miposa og 19 puntos aron pangulohan ang Hoopers nga aduna nay 4-1 win-loss record. Si Bandala
miamot og 15 puntos sa nagsolo sa liderato nga Hoopers.
Ang IBP-A gipangulohan sab ni Macion nga mipabuto'g 22 puntos, gisundan ni Ligutan nga adunay 19
puntos.
Puntos matag usa
HOOPERS (89) - Tocao 19, Bandala 15, Ortiz 13, Zabala 12, Flores 11, Bonsucan 10, Alejandre 4, Del
Rosario 3, Gonzales 2
IBP-A (84) - Macion 22, Ligutan 19, Del Prado 14, Manching 11, Sususco 10, Narido 8 (BANAT NEWS)
- Latest
