Water Market, HLY midaog na sab

CEBU, Philippines -  Mikulit og managlahing kadaugan ang Water Market ug HLY Friends batok sa tagsa-tagsa nila ka kaatbang

sa  Power Forty President’s Cup basketball tournament  niadtong Martes didto sa Inayawan Sports Complex.

 Ang Water Market midaog batok sa Labarca Trading sa iskor nga 69-61, samtang ang HLY Friends ni Atty.

Flor Yosores midaog sab batok sa Akira, 67-60.

 Si Michael Veloso maoy nangu sa Water Market nga miposa og 17 puntos, samtang laing tulo niya ka

teammates mihimo sab og double figures.

 Silang Teddy Ebrado ug Tony Ungria parehong mibahog og 12 puntos alang sa Labarca Trading.

 Sa laing bahin, sila si Julian Capala ug Alex Mercado miiskor og 17 puntos matag usa aron pangulohan ang

HLY, gisundan ni Rey Abarquez nga adunay 14 puntos.

 Ang Akira gipangulohan ni Fernando Sumargo pinaagi sa iyang 21 puntos.

Puntos matag usa

Unang duwa:

 Water Market (69) - Veloso 17, Jaca 12, Lim 11, Tabar 11, Eleguin 6, Vernaiz 5, Ozon 3, M. Navares 2.

Navares 2

 Labarca Trading (61) - Ebrado 12, Ungria 12, abellana 12, Bughao 10, Navares 8, Fuentes 8, Yu 1

Ikaduhang duwa:

 HLY (67) - Capala 17, Mercado 17, Abarquez 14, Cabrera 6, F. Yosores 5, Abasolo 4, Manturillas 4

 Akira (60) - Sumargo 21, Cabaluna 14, Echavez 10, Dela Rama 9, Cabrera 4, Magallon 2 (BANAT NEWS)