Magis Eagles, Dragons midaog na sab

CEBU, Philippines -  Nakatukob na sab og daog ang defending champion Sacred Heart School-Ateneo de  Cebu (SHS-AdC) Magis Eagles ug ang  Cebu Eastern  College (CEC) Dragons batok sa ilang tagsa-tagsa ka kaatbang sa 13th Cebu Schools Athletic Foundation Inc. (CESAFI) sa secondary basketball event kagahapon didto sa Cebu Coliseum.

MGA DUWA KARON

(Cebu Coliseum)

1:00  pm

USF vs. DBTC (Jrs.)

2:45 pm

SHS-Adc vs. CIT (Jrs.)

4:30 pm

UV vs. CEC (Jrs.)

6:15 pm

CIT vs. SWU (Srs.)

 Ang Magis Eagles yano kaayong midagit og daog batok sa Don Bosco Technology Center (DBTC) Junior Greywolves sa iskor nga 75-45, samtang ang Dragons kinahanglan pang  molad-ok og kadaghan una nila malamoy ang Cebu Institute of  Technology-University (CIT-U) Wildkittens, 72-63.

 Gumikan sa ilang kadaugan, ang Magis  Eagles ug Dragons nakamugna og three-way tie sa unang dapit sa standings uban sa University of the Visayas (UV)  Baby Lancers sa managsama  nilang 2-0 win-loss records.

 Sa katapusang duwa sa juniors division  nga gitakda kagahapon, ang University of San Carlos  (USC) Baby Warriors ubos sa bag-o nilang coach Carlo Britt Reroma midaog na gyud dihang ilang gipanitan ang University of San Jose-Recoletos (USJ-R) Baby Jaguars sa iskor nga 71-48. (BANAT NEWS)