Hunat Sugbu Triathlon sa Oktubre 6

CEBU, Philippines -  Plansado na ang tanan alang sa unang pagpahigayon sa Hunat Sugbu Triathlon nga gikatakda sa Oktubre 6 didto sa  lungsod sa Oslob sa habagatang bahin sa Sugbu.

 Ang lumba naglatid sa standard ug sprint distances. Ang standard distance adunay individual ug relay, samtang ang sprint usa ka open division.

 Ang age groups ubos sa male division mao ang  18-24, 25-29, 30-34, 35-39, 40-44, 45-49 ug 50-pataas, samtang tulo lamang sa female ug kini mao ang 18-29, 30-39 ug 40-pataas.

 Mga ganting salapi ang ihatag ngadto sa top finishers.

 Nagsugod na ang registration diha sa Cebu Parklane International Hotel.

 Sa P1,800 nga registration fee, ang entrante makadawat og finisher's shirt, medal, race bib, helmet ug bike number stickers, loot bag, visor, swim cap, race belt, carbo loading dinner sa Oktubre 5 ug buffet lunch diha sa finish line. Ang slots limitado lang ngadto sa unang 250 ka entrante sa standard division, 100 sa sprint ug 20 sa relay event. (BANAT NEWS)