USC mibiktima sa UV nagsolo na sa standing
CEBU, Philippines - Padayong mihakot og daog ang University of San Carlos (USC) SBP team ug ang labing uwahi nilang biktima
mao ang University of the Visayas (UV) sa iskor nga 47-25 sa BEST SBP Passerelle Twin Tournament 2013 nga
gipaluyohan sa Milo.
Ang USC nag-solo karon sa liderato uban ang 3-0 nga baraha.
Usa ka lugas lang ang labaw sa USC sa first period, 5-4, apan kalit nahigmata sa second quarter ug
miposte’g 25-10 nga abante sa halftime sa wala pa maangkon ang kadaugan.
Sa laing duwa, ang Sacred Heart School-Ateneo de Cebu (SHS-AdC) milubong sa University of San Jose-
Recoletos (USJ-R) sa iskor nga 42-15, samtang ang Cebu Eastern College (CEC) midemolis sa Don Bosco
Technology Center (DBTC), 62-39.
Sa Passerelle division, ang defending champion ug 2012 national runner-up UV miiskor og daog batok sa
DBTC sa iskor nga 58-39, ang USC nimasaker sa CEC, 72-51.
Gilampurnas sa SHS-AdC ang USJ-R, 64-14 alang sa ilang ikaduhang daog.
Ang Cebu champion ning maong torneyo nga gipaluyohan sab sa RCBC Savings Bank makigsangka sa mga
kampiyon gikan sa Bacolod, Iloilo ug Roxas alang sa Visayas Regional Finals. Ang Visayas champion moabante ngadto sa
national finals sa Manila. (BANAT NEWS)
- Latest
