VECO Power Run, bike race ipahigayon na
CEBU, Philippines - Magginukdanay na sa kadalanan ang kapin sa 200 ka empleyado sa Visayan Electric Company sayo ning buntaga alang sa tinuig nga fun run ug bike race sa kompaniya.
Giulohan og VECO Power Run, ang lumba nga anaa na sa ikaupat ka tuig mohagit sa mga kawani sa pagdagan sa 3K, 5K ug 10K o dili ba moapil sa 17-kilometros nga lumba sa biseklita.
Motimaan usab kini sa pagsugod sa "Biggest Loser" challenge alang sa mga empleyado sa VECO.
"Walk this Weight" maoy tema karong tuiga sa kompetisyon nga modagan hangtod sa Oktubre.
Ang lumba mosugod sa VECO office sa Banilad diin ang mga partisipante mosubay sa J. Panis St., Gov.
Mariano Cuenco, Archbishop Reyes Ave., Escario St. paingon sa VECO Camputhaw substation, Gorordo Ave., dayon VECO Carreta substation sa Mango Ave., left turn paingon sa MJ Cuenco Ave., Juan Luna Ave. ug dayon sa VECO Banilad compound nga maoy utlanan sa lumba.
Mao sab ang lumba sa biseklita diin adto kini manukad sa VECO Banilad compound paingon sa Busay ug
Transcentral highway ug balik.
Ang mga mananaog sa VECO Power Run ning tuiga pasidunggan atol sa ilang tinuig nga recognition night nga himuon sa bulan sa Oktubre. (BANAT PALARO)
- Latest
