HLY-Friends nakabawi

CEBU, Philippines - Gisanta sa HLY-Friends ang ilang duha ka sunod-sunod nga pilde pinaagi sa pagpukan sa Park 'N Go Bakeshop, 51-48 sa Power Forty President's Cup basketball tournament didto sa Inayawan Sports Complex.

Sa  laing duwa, ang AMBL miiskor sab og daog batok   Akira,  50-41.

Duha lang ka players sa HLY-Friends ang mihimo'g double figures. Si Alex Mercado miiskor og 12 puntos ug si Julian Capala  adunay 10 puntos.

Ang HLY-Friends ni team owner Atty. Flor Yosores kasamtangan karong nag-una sa  standing bitbit ang 6-2 nga baraha.

Si Al Misa maoy nangu sa Park ‘N Go sa iyang 18 puntos, gisundan ni Michael Arias nga adunay 11 puntos.

Sa laing bahin, si Robert Abasolo mao lang ang bugtong player nga miiskor og double digits alang sa AMBLpinaagi sa iyang 18 puntos aron mopahiluna sa ikaduhang dapit sa ilang 5-3 nga baraha.

PUNTOS MATAG USA

Unang duwa:

HLY-Friends (51) - Mercado 12, Capala 10, F. Yosores 9, Mabalcon 5, Abasolo 4, Manturillas 4,

Abarquez 4, Tantay 3

Park ‘N Go (48) -  Misa 18, Arias 11, G. Rama 8, Nacional 5, R. Rama 2, Dejacto 2, Dayota 2

Ikaduhang duwa:

AMBL (50) - Abasolo 18, Gaviola 9, Fuentes 9, Filosopo 6, Piezas 5, Chiong 2, Flordeliza 2

Akira (41) -  Sumargo 9, Matulin 8, Cabaluna 6, Dela Rama 6, Labalan 2, Cabrera 2, Magallon 2