Bonggang 'Grand Palabas' sa CESAFI 2013 opening

CEBU, Philippines -  Usa ka mabulokon ug  makalingaw nga pasundayag  nga gi-inspire sa nabantog nga mga  international pop

artists sa kalibotan maoy idugang sa lamas alang sa tradisyonal nga "Grand Palabas" sa Cebu Schools Athletic Foundation

Inc. (CESAFI) nga mosikad sa ilang 13th season sa Agosto 3 diha sa Cebu Coliseum.

 Ang University of the Visayas (UV) mopasundayag  sa  sikat nga mga kanta ni Madonna, ang Sacred Heart

School-Ateneo de Cebu (SHS-AdC) mohimo sa mga kanta sa "King of Pop" nga si anhing Michael Jackson, samtang ang

Cebu  Doctors' University (CDU) mopresentar sa ilang kaugalingon bersyon sa Psy's "Gangnam Style" nga nahimong

global phenomenon sukad migawas ang ilang music video niadtong Hulyo sa miaging tuig.

 Ang Southwestern University (SWU) modalit og usa ka Shakira-themed production number, Rihanna alang sa

University of Southern Philippines Foundation (USPF), Christina Aguilera alang sa University of San Carlos (USC),

Jennifer Lopez alang sa University of San Jose-Recoletos (USJ-R), Lady Gaga sa University of  Cebu (UC), LMFAO

alang sa Cebu Institute of Technology-University (CIT-U) ug Akon alang sa  Velez College.

 "All schools are doing hard practice for their respective production numbers in the Palabas. We are urging all

students to watch and support them,"  sumala pa ni  UC athletics director Bernard Ricablanca.

 Lain pang talan-awon nga dili angay palabyon mao ang pasundayag sa mga talento  sa UV ug UC

cheerdancers, UV gymnastics team ug SHS-Ateneo de Cebu Wushu ug Dragon performers.

 Ang pagpili og Miss CESAFI 2013 sa juniors ug seniors divisions  usa  usab  sa masaksihan sa mga fans atol

sa opening ceremonies.  (BANAT NEWS)