Aduna na gyu'y motikangkang

CEBU, Philippines - Seguradong aduna gyu'y makatilaw sa una nilang pilde sa ngil-ad nga paagi gumikan kay sila si WBO bantamweight champion Paulos 'The Rock' Ambunda (20-0, 10KOs) sa Namibia ug Japanese challenger Tomoki  'El Mexicanito' Kameda (27-0, 18KOs) pulos nangahas nga mo-iskor og "knockout" nga kadaugan atol sa  ilang sangka.

 Sila si Ambunda ug Kameda maoy mobida  sa "Battle of the Undefeated" fight card ugma sa gabii diha sa

Waterfront Cebu City Hotel and Casino.

 Sama sa gilauman, grabe ang tensyon tali sa duha ka kampo sa labing una nilang panag-abot atol sa final press

conference kagahapon didto sa Caspian Room sa Waterfront Hotel.

 "I beat Sor Singyu like a baby when I captured the belt. This time, I will show my power again against him

(Kameda)," matud pa ni Ambunda.

 Misamot kainit ang sitwasyon atol sa   presscon ang paghagit ni Ambunda ngadto sa maguwang ni Tomoki nga

si WBC bantamweight champion Koki Kameda,  kinsa mitambong usab sa maong kalihukan.

 Nanganti si Ambunda nga human niya mapilde si Tomoki, isunod usab niya ang maguwang niini nga si Koki.

 Hinuon, ang Japanese challenger nga si Kameda mibawos ug iyang gisaad nga tumanon ang damgo sa ilang

amahan nga mahimo silang Japanese brothers nga  pulos kampiyon.

 "I don’t want to talk too much. I am concentrating in getting that belt from him and I know that my speed and

power will prevail against him (Ambunda)," matud pa niya.

 Sa supporting bout sa boxing card nga gipasiugdahan sa Kameda Boxing Promotions ug sa Rex 'Wakee'

Salud Promotions,  si  RWS Gym  fighter Marlon Tapales (22-2, 9KOs) makigsangka   ni Fredirex Rodriguez (11-2,

8KOs) sa Bukidnon.

 Mopakita usab og aksiyon si kanhi WBC  flyweight champion Sonny Boy Jaro, kinsa makigbinukbukay  ni

Gherpaul Valero sa Noy Pacing Flores Stable. (BANAT NEWS)