Alphan's run for a scholar gitakda sa Agosto 25
CEBU, Philippines - Sa tuyo nga maka-recruit og mga miyembro ug makatabang sa mga sakop sa fraternity, ang Alpha Sigma Phi Philippines International Collegiate Service Organization mopahigayon sa labing una nilang running event nga uloha'g "Alphan's Run for a Scholar" sa Agosto 25 didto sa The Terraces sa Ayala Center-Cebu.
Ang lumba gibahin ngadto sa 21K, 12K, 6K ug 3K categories ug magsilbe usab kining fund-raising event alang sa pagpatiwas og eskuwela sa kolehiyo sa mga miyembro o duol nga mga paryente sa mga sakop sa Alpha Sigma Phi.
"Through this run we hope to recruit college students in our fraternity to give them direction in their studies, we want to change the image of fraternities here in the country,†matud pa ni Alpha Sigma Phi Board of Director for Visayas Antonio Tompar.
"Aside from that we also want to accumulate funds that we will use for the study of our undergraduate college members or relatives from our members."
Dugang pa ni Tompar nga mohatag sila og libreng 50 slots ngadto sa unang 50 ka mga Senior Citizen runners nga magparehistro sa lumba. Kinahanglan ang senior citizen runners makapakita og valid I.D Dul-an sa P60,000 nga ganting salapi ang gitagana alang sa mga mananaog sa matag kategoriya.
Ang unang 150 finishers sa 21K half-marathon makadawat og specially designed finishers medal.
Ang registration fee nagkantidad og P400 sa 21K ug P300 alang sa 12K, 6K ug 3K categories.
Mahimong magparehistro didto sa PNP Regional headquarters, Galeon Enterprises sa Gaisano Grand Mall, ABS-CBN sa Brgy. Jagobiao, Mariners Court Cebu, Parkmall, Cebu City Sports Center, Cebu Post Office ug RUNNR sa Ayala Active Zone. (BANAT NEWS)
- Latest
