Miller napunta sa Memphis

CEBU, Philippines - Mobalik sa karaan niyang team Memphis Grizzlies ang veteran three-pointer nga si Mike Miller human siya mipirma og kontrata uban sa koponan kagahapon.

 Usa ka semana human siya buhi-i sa back-to-back champion Miami Heat, si Miller nakadawat og mga tanyag gikan sa ubang NBA teams, apan ang Grizzlies maoy nakabira sa shooting guard.

 Si Miller nga adunay career-average 12.3 points nakadawat usab og contract offer gikan sa Los Angeles Clippers, Denver Nuggets ug Cleveland Cavaliers sa wala pa siya mopirma'g kontrata sa Grizzlies.

 Nasayran, si Miller miduwa og unom ka season sa Grizzlies gikan sa tuig 2003 ngadto sa 2008 ug usa siya sa mga premyadong offensive player sa koponan.