Goldberry Suites gisubha'g daog sa SHAABAA Mivesa Cup

CEBU, Philippines -  Gibuksan sa Goldberry Suites ang bag-ong season sa Sacred Heart Ateneo Alumni Basketball Athletic

Association (SHAABAA) pinaagi pagkulit og   daog batok sa defending champion Cebu Landmasters, 68-66 atol sa

opening game sa SHAABAA Mivesa Cup niadtong Domingo  didto sa Magis Eagles Arena sa Sacred Heart School-

Ateneo de  Cebu campus sa barangay Canduman, Mandaue City.
 Naglabaw ang Landmasters atol sa halftime, 37-36 pinaagi sa 16-point combination nilang Kevin Villamor ug

Franco Te.
 Apan ang Goldberry, kinsa nakatigum na og daghang korona sa SHAABAA sulod sa 18 ka tuig sa

kasaysayan sa liga, misukli og 19-14 run kortesiya nilang Justin ug Jeremy Huang, Chad Canares ug sa ilang big man nga si

Robert Gilo aron molabaw og kuwatro puntos, 55-51 sa nanghinapos nga bahin  sa duwa.
 Si Justin Huang maoy nangu sa Goldberry pinaagi sa iyang 24 puntos, gisundan ni Gilo nga adunay 11 puntos.
 Silang Kevin Villamor ug Kyle Valmoria parehong miposa og 15 puntos aron pangulohan ang Landmasters.
 Sa laing duwa, ang   RDAK Transporters mipukan sa Milco Fresh Eggs, 60-53 ubos sa pagtimon ni Ian Ong

nga miiskor og 14 puntos, samtang  ang Milco gipangulohan ni Chad Go nga adunay 15 puntos.
 Midaog sab ang Insular Square human nila gilubong ang  Alberto’s Pizza, 81-53.
   Upat ka players sa Insular Square ang mibahog og double figures nga naglakip nilang Leigh Dixon (19 puntos),

 Antonio Datan (17 puntos), Ed Macasling (15 puntos) ug Job Shan (10 puntos).
 Pareho sab midaog ang San Jose Bakeshop ug Gaisano Capital sa unang adlaw sa torneyo.
 Ang San Jose Bakeshop mipukan sa A-Team sa iskor nga 56-49, samtang ang Gaisano Capital mibuntog sa

San Remigio Aguilas, 84-70.  (BANAT NEWS)