Stags tinalo ang Generals

Laro sa Huwebes

(The Arena, San Juan)

4 p.m. Letran vs Arellano

6 p.m.  Lyceum vs St. Benilde

MANILA, Philippines - Muling bumandrera ang mga rookies ng San Se­bastian matapos talunin ang Emilio Aguinaldo College, 81-74, sa first round ng 89th NCAA men’s bas­ket­ball tournament sa The Are­­na sa San Juan.

Tumapos si CJ Perez na may 20 points, 15 rebounds, 4  assists at 1 steal pa­ra sa Stags, habang nag-ambag si Bradwyn Guinto  ng 15 markers.

Itinaas ng San Sebastian ang kanilang kartada sa 4-2 sa ilalim ng Letran Col­lege (5-0), three-time champions San Beda College (5-1) at Perpetual (4-1) ka­sunod ang Jose Rizal Uni­versity (3-3), Lyceum (2-3), Arellano University (2-3), Ma­pua (1-4), EAC (1-5) at St. Benilde (0-5).

Sa likod ng 13 points ni Perez, kinuha ng Stags ang first half, 42-36, bago naagaw ng Generals ang unahan, 64-57, sa pagtatapos ng third period.

Isang 12-2 atake ang ginawa ng San Sebastian, iginiya ni assistant coach Raymon Valenzona, pa­­ra ku­nin ang  69-66 bentahe sa 6:21 sa fourth quarter.

Huling lumamang ang EAC sa 70-69 mula sa bas­ket ni import Noube Happi sa 2:27 sa labanan.