Moonyeen triathlon mosikad karon

CEBU, Philippines - Moabot sa kapin 100 ka triathletes ang mosalmot sa ikatulong edisyon sa Sogod Mayor Moonyeen Durano-Streegan

Triathlon Cup nga mosikad karong adlawa didto sa Alegre Beach Resort.

 Gilauman ni event organizer Oscar 'Boying' Rodriguez Jr. nga moabot ngadto sa 130 ang mosalmot nga

pangulohan ni defending champion Noy Jopson sa men's open division.

 Ang Moonyeen Cup mahulog usab nga tune-up alang niadtong mosalmot sa Cobra Energy Drink Ironman

70.3 Philippines sa Agosto 4 didto sa Shangrila's Mactan Resort and Spa sa Lapu-Lapu City.

 Gawas sa mga dagku na, ang mga bata nga nagpangedaron og 14 anyos ug paubos makapakita usab sa ilang

katakus nga kabahin sa ilang pagpangandam alang sa Alaska Ironkids nga himuon atol sa kalihukan sa Ironman.

 Ang neophytes kinsa dili moapil sa Ironman maka-enjoy  sab sa lumba dihang ang Moonyeen Cup mobutang

og standard, sprint ug mini-sprint categories.

 Aron maukyab pa ang aksiyon, ang mga partisipante gawas sa mga bata moagi sa bag-ong rota. Mosubay sila

sa L-shape swim course sa Alegre (two meters above sea level) nga  maoy nakanindot sa lumba.

 Ang triathletes moagi sa bag-ong nahuman nga highway sa Sogod ug Catmon.

 Ang dagan sa laing bahin, himuon sa national road subay sa three-lined ug sa shared perimeter wall sa M.

Lhuillier property didto sa Borbon.

 Gipresentar sa lungsod sa Sogod uban sa abag sa Alegre Beach Resort ug sa Triathlon Association of the

Philippines (TRAP), ang Monyeen Cup suportado sab ni Cebu Governor Junjun Davide, Vice Governor Agnes A.

Magpale, Smart Communications, Congressman Ace Durano, Rudy Project, Provincial Board Member Miguel Magpale,

Jude  Sybico ug Ivy Durano-Meca, Borbon Mayor Butch Sepulveda, Danao City Sports Commission, Dan's Bike Shop,

Runnr-Ayala, The Brick Bike Shop, Cebu TV-Ato Ni ug Habagat. (BANAT NEWS)