RP Team kulatado sa Serbia sa 27th Summer Universiade

CEBU, Philippines -  Ang Team Philippines nga girepresentahan sa University of the Visayas (UV) Green Lancers nakatilaw sa

ikaduha nilang sunod-sunod nga pilde dihang gilubong sila sa defending champion Serbia, 44-125 sa 27th Summer

Universiade kagahapon didto sa Miras Sports Complex sa Kazan, Russia.

 Gipakita na sab sa mas tag-as ug dagku nga Serbian nationals ang ilang kabangis gamit ang naghaguros nilang

mga opensa.

 Ang Pilipinas nabiyaan og nuybe puntos sa first period, 15-24 ug gikan niadto hinay-hinay nanga gibingat sa

Serbia ang labaw nga gipasiugdahansa duha nila ka seven-footersnga silang Darko Balaban ug Dorde Majstorovic.

 Ang Serbia mihimo sa katapusan nilang ataki sa final period pinaagi sa 37-8 rally alang sa ilang 81 puntos nga

kadaugan.

 "Masyadong malalaki. Kahit anong gawin, hindi talaga kaya," matud pa niUV coach Felix 'Donbel' Belano Jr.

 Si Milos Dimic maoy nangu sa Serbia sa iyang 22 puntos, gisundan ni Dorde Denovas nga adunay 20 puntos,

samtang silang Dorde Gagic ug Nikola Markovic miamot og 15 ug 14 puntos matag usa.

 Walay player sa Pilipinas nga nakahimo'g double figures ug ang labing gamitoy nilang tanan nga si John Abad

maoy nangu sa kapildihannga miiskor og otso puntos, samtang sila si Vincent Mendoza ug Chris Perolino miamot og

siyete puntos matag usa.

 Ang MVP-Rookie nga si Hernan 'Wowie' Escosio igo lang mihimo’g kuwatro puntos sa iyang 2 of 11

shooting.

 Mao na kadto ang ikaduhang pilde sa RP Team-UV human sila mapilde sa Romanianiadtong Domingo sa

iskor nga 58-106.

Puntos matag usa

 Serbia (125) - Dimic 22, Drenovac 20, Gagic 15, Markovic 14, Djokic 12, Zivanovic 12, Jovic 9, Malesevic

6, Kalinic 6, Balaban 5, Majstorovic 4, Smiljanic 0

 Philippines (44) - Abad 8, Mendoza 7, Perolino 7, Codilla 6, Escosio 4, Babia 4, Cabanero 4, Marquez 2,

Octobre 2, Fajardo 0 (BANAT NEWS)