Sabillo nagpanikad na

CEBU, Philippines -Nagpanikad na si WBO minimumweight champion Merlito Tiger' Sabillo (21-0, 11KOs) alang sa iyang title

defense. Apan giklaro niya nga dili siya mokompiyansa sa Colombian challengerugWBOrankNo.6ngasiJorle

Estrada(17-6, 6KOs).

Ang Sabillo-Estrada showdown maoy main event sa"Pinoy Pride XXI: When Worlds Collide"

karong Sabado sa gabii didto sa Solaire Casino and Leisure Park sa Pasay City.

 Ang 29-anyos nga si Sabillo siyento porsiyentona nga kondisyon paingon sa away, apan sayod siya nga dili

basta-basta si Estrada. Nakita niya nga buhaton ni Estrada ang tanan aron makuha ang iyang bakus.

"Naa na ko sa top condition. Ready na ko ani nga fight pero kahibaw ko nangandam pud siya (Estrada)," matud pa sa

taga-Toboso, Negros Occidental nga si Sabillo.

Gipangandaman ni Sabillo ang usa ka agresibo ug gutom nga challenger nga si Estrada, kinsa

mosuway usab pagpanimawos ngadto sa Pinoy boxer.

Kahinumduman, si Sabillo mipilde sa kababayan ni Estrada nga si Luis de la Rosa alang sa world title niadtong

Marso 9 didto sa Colombia.

 Si Sabillo, usa sa upat nganahabiling world champions sa Pilipinas uban nila ni Donnie Nietes (WBO light

flyweight), Johnriel Casimero (IBF light flyweight) ug Edrin Dapudong (IBO bantamweight).

 Sama ni Sabillo, napanglantawan usab ni ALA chief trainer Edito Villamor nga usa ka dakung gubat ang

mahitabo sa sangka tali sa ALA boxer nga si Sabillo ugEstrada ug gilauman nga dili kini moabot og 12 rounds.

 "Magbantay sab mi aning awaya, knockout gyud ang gusto ni Merlito pero wala namo gimaliit si Estrada,"

matud pa ni Villamor. "Naa gyu'y mangatumba aning awaya."

 Sa supporting main event, ang undefeated nga si Arthur 'El Matador' Villanueva (21-0, 11KOs) mosuway

pagsakmit sa WBO Asia Pacific super flyweight title batok ni Mexican Arturo Badillo (21-4, 19KOs), samtang si AJ

'Bazooka' Banal (28-2, 20KOs) makigsangka ni Mexican warrior Abraham Gomez (18-7, 9KOs). (BANAT NEWS)