Ex- champ Jaro moharong ni Valero
CEBU, Philippines - Kanhi WBC flyweight champion Sonny Boy Jaro mosuway pagbangon sa iyang karera sa pakigharong niya ni Gherpaul Valero sa "Noy Pacing Flores Stable-Mandaue" boxing showdown sa Agosto 1 didto sa Waterfront Cebu City Hotel and Casino.
Ang Jaro-Valero showdown usa sa mga undercard sa WBO bantamweight title showdown tali nila ni defending champion Paulus 'The Rock' Ambunda sa Namibia ug sa Japanese challenger Tomoki 'El Mexicanito' Kameda.
Ang 31-anyos nga si Jaro (34-12,5, 24KOs) misikat dihang nahimo siyang world champion human niya gipilde ang Thai legend ug WBC "Fighter of the Decade" Pongsaklek Wonjongkam pinaagi sa sixth round TKO niadtong Marso 2 didto sa Thailand.
Wala hinuon magdugay sa mga kamot ni Jaro ang kalibotanong titulo tungod kay napilde siya pinaagi sa "split decision" ni Japanese challenger Toshiyuki Igarashi niadtong Hulyo 18 didto sa Japan.
Sa iyang bahin, aduna usab gusto pamatud-an si Valero (14-14-3, 10KOs) nga miasenso og maayo diin
mihimo kini og 12-fight winning streak sukad siya giamuma sa bantugang coach nga si Brix Flores.
Sa wala pa siya gibaid ni Flores, si Valero adunay 1-16 win-loss record. Si Valero katapusang miaway niadtong Marso 9 diin iyang gipakatug sa fourth round si Amero Ricablanca didto sa Liloan.
Sa supporting main event, ang Cebu-based Mindanao brawler nga si Marlon Tapales (22-2, 9KOs) mosuway pag-angkon sa World Boxing Organization Asia-Pacific bantamweight title batok ni Mexican Edgar 'Chololo' Martinez
- Latest
