MJDL, CIPU sa finals

CEBU, Philippines -  Nakaipsot ang MJDL Brokers ug ang Cebu Inter Port Users (CIPU) sa kulhinam nga duwa  batok sa tagsa-tagsa nilang kaatbang aron moabante sa finals sa Cebu Customs Invitational Tournament 2013 niadtong Martes sa gabii

didto sa USC-North Campus gym sa Gen. Maxilom Avenue.

 Nakuha sa MJDL ang unang luna sa finals human maka-eskapo bitbit ang 70-69 nga kadaugan batok sa

PhilHealth, samtang  ang CIPU sa Customs Portmen sa iskor nga 75-71.

 Ang mas batan-ong CIPU miposte sa labing daku nilang labaw nga 13 puntos sa halftime, 45-32.

 Wala makahuygo ang CIPU sa third period dihang gipahugtan sa Portmen ang ilang depensa uban ang

mainiton nilang rally  aron mosikit ngadto na lang sa sayes puntos. Apan kalit lang nagmangtas si Collector Bingo Matugas

pagsugod sa fourth period dihang miposa siya’g  tulo ka sunod-sunod nga triples aron mosikit pa sa labaw sa dos puntos

64-66.

 Misikit pa gyud og maayo ang Portmen, 71-72 sa katapusang 1:18 sa duwa, apan kutob lang didto ang ilang

mga paningkamot kay sila si Takloy Moral mipasud og usa ka free throw ug napun-an pa kini sa duha ka free throws ni

Francis Palero aron moposte og 75-71 nga bentaha sa nahabiling 13.8 segundos.

 Ang kanhi CIT Wildcat nga si Ramil Aniñon maoy nangu sa CIPU sa iyang 17 puntos, gisundan ni Palero nga

adunay   14 puntos.

 Sila si Kern Sesante ug Matugas mirehistro'g 18 ug 16 puntos matag usa aron pangulohan ang Customs

Portmen.

Puntos matag usa

Unang duwa:

 MJDL (70) - Enriquez 20, Elloren 16, N. Laborte 15, B. Medalle 9, Abellana 8, Rollon 2, Despi 2, Alaan 1

 Philhealth (69) - Escobido 17, Ornopia 17, Arco 12, Anadon 10, Cenabre 7, Sasing 4, Ramas 4, Yap 2

Ikaduhang duwa:

 CIPU (75) - Aniñon 17, Palero 14, Manlosa 10, Allerite 9, Mondin 7, Moral 6, Villaronza 4, Maningo 3,

Sagario 3, Garcia 2 

 Customs Portmen (71) - Sesante 18, Matugas 16, Mose 15, Cañete 10, Tan 6, Oyao 4, Laraga 2 (BANAT NEWS)