Villanueva mo-k.o. sa iyang kontra sa PP XXI

CEBU, Philippines - Kompiyansa si undefeated ALA Boxing Gym fighter Arthur 'El Matador' Villanueva (21-0, 12KOs) nga

makahimo og knockout nga kadaugan batok ni Mexican Arturo ‘Fuerte’ Badillo  (21-4, 19KOs) atol sa ilang sangka sa

"Pinoy Pride XXI: When Worlds Collide" karong Hulyo 13 didto sa  Solaire Casino and Leisure Park sa Pasay City.

 Ang 24-anyos nga si Villanueva mosuway pagsakmit sa bakanteng WBO Asia-Pacific super flyweight title sa

supporting bout sa maong fight card  nga gibidahan ni Merlito 'Tiger' Sabillo (22-0, 11KOs) nga modepensa sa iyang

WBO minimumweight title sa unang  higayon batok ni Colombian challenger Jorle Jacinto Estrada (16-6, 5KOs).

 "Daku gyud ang chance nga mapatumba nako siya kay wala kaayo siya masyado nga depensa," matud pa sa

taga-Bacolod City nga si Villanueva.   "Pero kuyaw gihapon kay naa siya'y kusog ug knockout

puncher sab."

 "Amoa nang gi-estadihan ni coach Edito (Villamor) iyang style ug ako lang ani kay mo-fight ko og intelligent

fight kontra ni Badillo."

 Sa katapusan niyang sangka, si Villanueva midaog pinaagi sa "unanimous decision" batok ni Marco Demecillo

aron magpabilin kaniya ang iyang OPBF super flyweight title niadtong Abril 20 didto sa University of Southeastern

Philippines (USEP) Gymnasium sa Davao City.

 Sa  undercard, ang former world title challenger nga si AJ 'Bazooka' Banal (28-2, 20KOs) mohimo sa iyang

"comeback fight" batok ni Mexican Abraham 'Cholo' Gomez (18-7, 9KOs).

 Kini ang pagbalik og saka sa ring ni Banal human sa iyang kapildihan pinaagi sa ninth-round TKO batok ni

Thai Pungluang Sor Singyu sa ilang WBO bantamweight title fight  niadtong Oktubre 20 didto sa SM Mall of Asia Arena.  (BANAT NEWS)