Olango mo-host ultra-marathon

CEBU, Philippines - Lain na sab nga kompetisyon ang ipahigayon sa Olango Island dihang gitakda kining mo-host og ultra-marathon eco-adventure sa Hulyo 6.

Ang maong kompetisyon nga adunay kinatibuk-ang 50 kilometros, gibuak sa duha ka loops.

Kining kalihukan maoy second stop sa Cebu Ultramarathon Club alang sa ilang Visayas leg tour.

Human sa 50 kilometros nga aksiyon, ang mga partisipante mopahigayon og feeding program alang sa kabataan sa Olango.

Gawas pa niana, ang mga partisipante mahimo sab moabang og biseklita ug maglibot-libot sa bird sactuary human sa kalihukan.

Ang maong kalihukan gipaluyohan sa kagamhanan sa dakbayan sa Lapu-Lapu ubos sa liderato ni Mayor Paz Radaza.

Alang sa registration, mahimong magparehistro sa Runnr sa Ayala Center-Cebu. Ang registration kutob lang sa Hulyo 1.