Kidlat naghari sa June edition sa CEPCA monthly chessfest

CEBU, Philippines -  Nakatabla si Francisco 'Jun' Kidlat Jr. ngadto ni Rey Flores sa final round ug igo na kaayo alang kaniya aron

maghari sa June edition sa Cebu Executive and Professionals Chess Association (CEPCA) monthly tournament niadtong

Domingo didto sa  Deep Blue Café nga nahimutang sa second level sa SM City-Cebu.

 Gitapos ni Kidlat ang five-round Swiss system competition uban ang highest output nga 4.5 points aron

moabante sa grand finals karong Disyembre uban ni lawyer Jong Melendez, NM Arnold  Cadiz, Percival Fiel, Maggi

Dionson ug Manuel Abucay.

 Sa wala magtabla uban ni Flores, si Kidlat, mitali og upat ka sunod-sunod nga daog batok nilang Engr. John

Velarde ug Peterson Sia, Dr. Ben Rodriguez ug Maggi Dionson.

 Sila si Jerry Maratas, Manuel Abucay ug  Vincente de la Torre miposte og 4.0 puntos, apan si Maratas maoy

miangkon sa ikaduhang dapit pinaagi sa superior tie-break output. Sila si Abucay ug De la Torre mi-okupar sa mosunod

nga mga dapit, samtang si Flores maoy mikompleto sa top five winners sa iyang 3.5 puntos.

 Adunay kinatibuk-ang 23 ka mga sakop sa CEPCA ang misalmot sa kompetisyon nga gidumala ni

international arbiter Marvin Ruelan. Si Jun Olis maoy  nagsilbeng tournament director. (BANAT BALITA)