Kameda mopakita sa iyang talagsaong labok

 CEBU, Philippines - Iladlad ni undefeated Japanese world title challenger Tomoki 'Mexicanito' Kameda  (27-0, 18KOs)  ang  iyang  talagsaong labok atubangan sa mga Cebuano fans uban ang paglaom nga mailog niya ang WBO bantamweight title ni Namibian champion Paulos Ambunda  (20-0, 10KOs) sa main event sa "Battle of the Undefeated" fight card sa Agosto 1 didto sa Waterfront Cebu City Hotel and Casino.

 "This is something unique because this is the first time that a world title fight against two foreign boxers will happen here in Cebu and we Cebuanos should be proud," matud pa ni Cebuano boxing promoter Rex 'Wakee' Salud atol sa press conference kagahapon didto sa Caspian Room sa Waterfront Hotel.

 Tungod kay dili siya mandatory challenger alang sa WBO title, dili motugot ang Japan Boxing Commission nga moaway si Kameda sa iyang nasud, apan bisan pa niini, giisip gihapon sa Hapon nga anaa kaniya ang hometown advantage tungod kay nagtuo siya nga moabiba kaniya ang mga Pinoy.

  "I will do my best so that Filipino fans will enjoy this fight. I want to showcase my skills in front of them and I can say that I have a very big chance of beating him (Ambunda) to get that belt," matud pa ni Tomoki, ang kinamanghuran sa tulo ka sikat nga Kameda brothers sa Japan.

 Sa supporting bout sa boxing card nga gipasiugdahan sa Kameda Boxing Promotions uban  sa Rex 'Wakee' Salud Promotions,  si  RWS Gym  fighter Marlon Tapales  makigsangka sa wala pa hinganling  Argentinian nga boksidor.

 Mokompleto sa undercard mao ang sangka nila ni Gerpaul Valero batok Daryl Basadre, unbeaten Jack Tepora batok Anthony Galigao, Ardie Boyos batok JayR Mendoza, Charlie Pucdol batok Neil Tabanao, Richard Rosales batok Jonathan Francisco, Joey Canoy  batok Marwin Cristota, Richel Rosales batok Andrew Palas ug Joyjoy Pormentera batok Dante Rosales. (BANAT PALARO)