Ortega-Mariot tandem midaog doubles title sa Rama dartfest
CEBU, Philippines - Migawas nga classified doubles champion silang Shane Ortega ug Christopher Mariot sa 4th Mayor Mike
Rama Inter-Barangay Darts Tournament didto sa Baseline Sports and Recreation Center.
Gipilde nilang Ortega ug Mariot ang tagsa-tagsa nila ka kaatbang sa wala pa nila mabagati ang tandem nilang
Steve Montenegro ug Rollie Opura sa final match.
Sa maong kadaugan, sila si Ortega ug Mariot mibulsa og P2,000, samtang sila si Montenegro ug Opura
nakadawat og P1,000.
Sila si Marlito Patunob ug Arvic Recana mi-okupar sa ikatulo nga dapit human gipilde ang tandem nilang
Jerome Perales ug Edu James Pangandoyon.
Mipahiluna sa ikalima mao ang tandem nilang Alvin Villa ug Rocky Rodriguez, gisundan nilang Rodmar
Branzuela ug Boyet Apuya, Boy Campugan ug RenRen Sapio ug Jomar Amerol ug Jun-Jun Daclan.
Sa laing bahin, ang triples event tigian ugma didto gihapon sa Baseline.
Unya sa Sabado, ang mga batan-on ang mag-ilog sa kampiyonato sa youth singles division, samtang ang
uban magsangka sa men's open doubles. (BANAT NEWS)
- Latest
