HLY-Friends temporary nagsolo sa Power Forty

CEBU, Philippines - Nakasagunson og tulo ka daog ang HLY-Friends pinaagi sa pagbuntog sa Akira, 104-96 sa Power Forty

President's Cup Basketball League niadtong Martes  didto sa Inayawan Sports Complex.

 Midaog sab ang Water Market dihang ilang gilumsan ang Labarca Trading sa iskor nga 109-95.

 Ang HLY-Friends  ni Atty. Flor Yosores temporaryo karong nagsolo sa liderato bitbit ang 3-0 nga baraha.

 Wala kapugngi si Rey Mabalcon, kinsa mikulit og 28 puntos aron pangulohan ang HLY-Friends ni Atty. Flor

Yosores, samtang si Alex Mercado mipabuto og 22 puntos  ug si  Wewe Cabrera miamot og 13 puntos.

 Si Fernando Sumargo maoy nangu sa Akira sa iyang 25 puntos ug laing upat ka teammates ang mirehistro sab

og double figures. Si Celso Cabaluna miamot og 18 puntos, si Jingjing Matulin mitampo og 17 puntos, samtang silang

Dome Labalan ug Titing Moniva midugang og 10 puntos matag usa alang sa 1-3 nga Akira.

 Sa laing bahin, si Joel Jaca maoy nangulo sa Water Market pinaagi sa iyang  19 puntos, gisundan ni Adot

Tabar nga adunay 18 puntos.  Si  Vez  Eleguin mitikdol og 16 puntos,  si Caloy Lim miambit og 14 puntos ug silang

Michael Veloso ug Carding Vernaiz nagkumboya og 21 puntos.

 Ang Labarca Trading nga mitidlum sa kinaubsang puwesto sa ilang 0-3 nga baraha, gipangulohan ni Macmac

Navares pinaagi sa iyang 24 puntos, samtang si Jun Cañete   midugang og 20 puntos .

PUNTOS MATAG USA

Unang duwa:

 HLY-Friends (104) - Mabalcon 28, Mercado 22, Capala 15, Cabrera 13,  Abarquez 9,  Atillo 8,

Manturillas 4, F. Yosores 4

 Akira (96) - Sumargo 25, Cabaluna 18, Matulin 17, Labalan 10, Moniva 10, Echavez 8, Labrada 4, Cabrera

4

Ikaduhang duwa:

 Water Market (109) -  Jaca 19, Tabar 18, Eleguin 16, Lim 14, Veloso 11, Vernaiz 10, Navares 8, Caumeran

6, Sandal 4

 Labarca Trading (95) - Navares 24, Cañete  20, Ebrado 16, Dejarme 14, Fuenrtes 12, Bughao 5, Abellana

4, Almojallas 2 (BANAT NEWS)