Rollway mihakot na sab og daog

CEBU, Philippines -  Naka-iskor na sab og daog ang Rollway Customs Brokerage ni team owner Rolly dela Pieza batok sa AC Sport, 82-74 sa nagpadayong aksiyon sa LLBA-Mayor Radaza Cup 2013 basketball tournament didto sa Villas Magallanes gym sa Lapu-Lapu City.

 Patas pa ang aksyon sa unang duha ka kuwarter, apan kalit nga milabyog ang Rollway sa fourth quarter sa pagpangulo nilang Tito Anana ug Jay-R Yobal nga maoy naghandos sa ilang koponan ngadto sa kadaugan.

 Si Anana mikandos og 30 puntos, samtang si Yobal mihabwa og 18 puntos.

 Ang AC Sport ni Archie Baba gipangulohan ni Dindo de la Rama, kinsa mikagis og 25 puntos, gisundan ni Bryan Baring sa iyang 15 puntos ug Bosyo Ompad nga adunay 12 puntos.

 Sa laing duwa, ang El General ni  Doc Michael Ouano miiskor sab og daog, ning higayona batok sa Compa General ni Ely Gomos sa iskor nga 68-61.

 Tulo ka players sa El General ang  mirehistro og double figures nga gipangunahan ni Uriel Manilag, kinsa mipabuhagay og 17 puntos lakip na ang tulo niya ka triples, si Jojo Emnace miariya og 13 puntos ug si Michael Mepiza mikabya og 10 puntos.

 Si Jing Paquibot, kinsa mikimada og 14 puntos mao sab ang nangu sa pilderong Compa General. Sila si Toto Laluces ug Mario Bancale mitikdol og 13 ug 11 puntos matag usa. (BANAT BALITA)

PUNTOS MATAG USA

Unang duwa:

 ROLLWAY (82) - Anana 30, Yobal 18, Sumalinog 9, Arado 8, Burlao 5, Mañus 4, Arresgado 4, Lapaza 2, Asuncion 2

 AC SPORT (74) - Dela Rama 25, Baring 15, Ompad 12, Icot 8, Bensi 7, D. De Jesus 3, T. De Jesus 2, Simbajon 2

Ikaduhang duwa:

 EL GENERAL (68) - Manilag 17, Emnace 13, Mepiza 10, Ompad 9, Adlit 5, Ceniza 5, Bacus 3, Bontes 2, Areglo 2, Autida 2

 COMPA GENERAL (61) - Paquibot 14, Laluces 13, Bancale 11, Lamoste 6, Giganto 4, Dela Peña 4, Augusto 3, Pancho 2, Dayot 2, Gomos 2