Garcia mi-KO ni Juanma

 Gipatumba sa fourth round ni Mexican Mikey Garcia ang kanhi Puerto Rican champion nga si Juan Manuel Lopez atol sa ilang sangka kagahapon didto sa Dallas,Texas.

 Hinuon pabilin nga mahanaw ni Garcia ang iyang WBO featherweight title human usab kini gibawi tungod kay napakyas siya pagkuha sa weight limit. (LPM)

Smart Gilas pilde sa Jazz

 Pakyas pagdaog ang Smart Gilas Pilipinas sa katapusan nilang tune-up game sa ilang Lithuania training camp batok sa Birtoso Jazz Diremta, 79-86, didto sa Svyturio Arena in Klaipeda, Lithuania.  

 Rasun sa pagkapilde sa Gilas mao ang pagkawala sa tulo nila ka mga sinaligan nga sila si Marc Pingris ug Jayson Castro nga nakahiagum og injury, samtang si Gabe Norwood miuli sa Pilipinas aron magpakasal. (LPM)

Taulava mobalik na sa PBA?

 Mihayag na ang kahigayunan ni ABL MVP Asi Taulava nga makabalik sa PBA human usab mipadayag ang Meralco Bolts nga andam sila nga mubuhi sa 40-anyos nga sentro.

 Ang Bolts maoy nagkupot sa katungod ni Taulava sa PBA, apan andam sila nga ihatag kini sa laing koponan pinaagi sa usa ka trade. (LPM)

NBA vets suporta ni Kidd

 Duha ka mga NBA veteran ang misuporta sa kanhi nila kauban nga si Jason Kidd kinsa bag-o lang gitudlo nga head coach sa Brooklyn Nets.

 Sila si Andre Miller sa Denver Nuggets ug Jerry Stackhouse sa Nets mituo sa abilidad ni Kidd nga mahimong maayong head coach. (LPM)