Indiana-Houston tiket mabibili na ngayon

MANILA, Philippines - Sisimulan na ang pagbebenta ng tiket para sa NBA Global Games Phillippines 2013 na magtatampok sa preseason game ng Indiana Pacers at ng Houston Rockets sa Oktubre 10 sa MOA Arena sa Pasay City.

Mabibili ang mga tiket simula ngayong alas-10 ng umaga sa lahat ng SM ticket outlets o online.

Sinabi ng NBA at ng MOA Arena na dalawang tiket lamang ang pinakamaraming mabibili ng isang buyer maging ito ay sa mga ticket centers o sa internet sa mallofasia-arena.com o sa smtickets.com.

Ang pinakamurang tiket ay nagkakahalaga ng P550 para sa gallery o general admission seats at ang pinakamahal ay P27,000 para sa Premium B.