James kumpiyansang makakabawi ang Heat: Spurs pipiliting makalapit sa korona

SAN ANTONIO--Hindi na kailangan ng Miami Heat na matalo sa San Antonio Spurs sa Game 4 ng NBA Finals.

Sinabi ni LeBron James kumpiyansa siyang makakabawi ang Heat matapos ang 77-113 kabiguan sa Spurs sa Game 3.

“They have a championship pedigree. They have four (titles). We have two,” sabi ni James. “So something has to give. We’ll see what happens. We’ve been able to bounce back throughout adverse times throughout the season throughout the years that we’ve been together, these three years. We’ll see.’’

Ang isa pang kabiguan sa Game 4 ang posibleng tumapos sa kanilang hangarin na mapanatiling suot ang NBA crown.

Isinabit ni James ang practice jersey sa kanyang likod, at alam niyang kailangan siya ng Heat na maglaro bilang isang super hero.

“As dark as it was last night, can’t get no darker than that, especially for me,’’ ani James. “So, I guarantee I’ll be better tomorrow for sure.’’

Sa ka­­ni­lang pagka­talo sa Game 3, tumipa si James ng malam­yang 7-for-21 fieldgoal shoo­ting at hindi nakatapak sa free throw line sa kabuuan ng laro.

Umaasa si James na matu­tulungan siya nina Dwyane Wade at Chris Bosh.

“If us three don’t lead the charge, we’re not going to be NBA champions,’’ sabi ni Wade. “Our teammates count on us, so we have to step up.’’