Team Kopiko manulong sa Tacloban
CEBU, Philippines - Ang pambato sa Sugbu nga Team Kopiko mosalmot sa Tacloban leg sa Kopiko Astig 3-in-one Supercross Series nga gikatakda sa Hunyo 23 didto sa Palo, Leyte.
Gipangulohan ni teen riding sensation Jon-Jon Adlawan, ang Team Kopiko nga morepresentar sa Sugbu makigbangga sa ubang elite riders sa nasud sa pro lites ug open division.
Ang Team Kopiko gilangkuban nilang Ado Decipolo, Jovanni Abellar, Jubenile Abellar ug Risty de la Calzada.
Ang Team Kopiko mag-atubang og dakung hagit ilabi na sa pagsalmot sa ubang national riders sama nila ni Philippine No.1 rider Glenn Aguilar, Dondon Yuzon, Ambo Yaparcon, Kimboy Pineda ug Rhowell Matias Mangosong.
"This is a chance for them increase their ranking going to the final leg that will probably happen in November or December where in Cebu will be the host," matud pa ni Arnold Ignacio sa Man and Machine.
Laing kategoriya nga tigian sa 12 ka leg series mao ang novice production, intermediate class, veterans A,B ug C, underbone division, peewee 65cc, peewee 50 cc, mini class, beginners open production, women's category ug team race.
- Latest
