Federer out na, Serena sa semis
PARIS--Tinalo ng sixth-seeded Frenchman na si Jo-Wilfried Tsonga si Roger Federer, 7-5, 6-3, 6-3,sa quarterfinals ng French Open sa harap ng nagulantang na Court Philippe Chatrier crowd.
Ginamit ni Tsonga ang isang oras at 51 minuto para patalsikin ang 17-time Grand Slam champion na si Federer.
Lalabanan ni Tsonga sa semis si No. 4 David Ferrer, pinayukod si No. 32 Tommy Robredo 6-2, 6-1, 6-1.
Ang tanging French Open title ni Federer ay nakamit niya noong 2009.
Samantala, binigo naman ni Serena Williams si 2009 French Open winner Svetlana Kuznetsova, 6-1, 3-6, 6-3, para makapasok sa semifinals.
Sinabi ni Kuznetsova na nagkaroon siya ng abdominal muscle injury sa kanilang laro ni Williams.
Matapos ang kanyang first-round exit sa Roland Garros noong 2012, nagtala si Williams ng 72-3 record at nasa isang career-long 29-match winning streak. Makakatapat niya sa semis si No. 5 Sara ErÂrani, tinalo si No. 4 Agnieszka Radwanska 6-4, 7-6 (6).
- Latest
