USC, UC moduwa sa Tuburan

 CEBU, Philippines - Duha ka magkaribal nga teams sa CESAFI -- University of San Carlos (USC) Warriors ug University of Cebu (UC) Webmasters ang magsangka sa usa ka "exhibition game" nga gipaluyohan ni Mayor Jun Diamante karong gabii didto sa Tuburan Sports Complex sa lungsod sa Tuburan.  Ang duha mao sab ang nag-ilog sa ikatulong puwesto sa  bag-o lang natapos nga Enervon CESAFI Partner's Cup 2013 diin ang Warriors ni coach Julian Macoy nga maoy nagdala sa Cebu Landmasters ang midaog.

 Nag-abot sab ang duha didto sa Bogo City atol sa "out-of-town" game sa CESAFI Partner's Cup ubos sa pagdapit ni Mayor Celestino E. Martinez Jr. (BANAT BALITA)