El General Hospital midemolis sa Rollway Customs
CEBU, Philippines - Nadisgrasya ang defending champion Rollway Customs Brokerage ug nalandig sa El General Hospital ang 72-61 nga kadaugan sa LLBA Mayor Radaza Cup 2013 basketball tournament niadtong Mayo 20 didto sa Villas Magallanes gym sa dakbayan sa Lapu-Lapu.
Gipangulohan ni Uriel Manilag ang El General Hospital nga mihagdaw og 14 puntos. Sila si Jay-R Ompad ug Mark Samson miambit og 10 puntos matag usa alang sa El General Hospital ni Dr. Michael Ouano.
Ang nabiktima nga Rollway ni Rolly dela Pieza gipangulohan ni Tito Anana, kinsa mirumbo og 16 puntos, gisundan ni Oniel Burlaos sa iyang 13 puntos ug Jay-R Yobal nga adunay 12 puntos.
Sa pasiunang duwa, ang Igot Trucking ni Junax Igot mihakot og daog dihang ilang gidumbolan ang Radaza Boys, 97-91.
Silang Edwin Ugsimar ug Bulldog Ybañez miarangkada og 16 puntos matag usa alang sa Igot Trucking. Si Roque Rokawa mikimada og 14 puntos, samtang si Glen Bautista miratsada og 11 puntos.
Ang napildeng Radaza Boys gipangulohan sab ni Daryl Amores, kinsa miposa og 17 puntos, gisundan ni Lapu-Lapu city councilor Harry Don Radaza ug Jimboy Igot nga miambit og 16 puntos matag usa, samtang si Roel Llanto mihirit og 10 puntos. (BANAT BALITA)
PUNTOS MATAG USA
Unang duwa:
IGOT TRUCKING (97) - Ugsimar 16, Ybañez 16, Rokawa 14, Bautista 11, Cobacha 7, Manlangit 7, Igot 5, Intud 5, Bentazar 8, Alpuerto 3, Aying 3, Dejito 2
RADAZA BOYS (91) - Amores 17, Radaza 16, J. Igot 16, Llanto 10, Hiyas 8, Alian 7, L. Igot 6, Ariar 5, Aballe 3, Decembrano 3
Ikaduhang duwa:
EL GENERAL HOSPITAL (72) - Manilag 14, Ompad 10, Samson 10, Adlit 8, Emnace 7, Intong 5, Ceniza 5, Mepieza 4, Autida 4, Bontes 3, Bacus 2
ROLLWAY (61) - Anana 16, Burlaos 13, Yobal 12, Mañus 6, Sumalinog 5, Dela Pieza 5, Asuncion 2, Arado 2
- Latest
