Park 'N Go mihaon ikaduha nilang daog

CEBU, Philippines -  Mihaon sa ilang ikaduhang daog ang Park ‘N Go Bakeshop  batok sa Labarca Trading, 106-102  sa Power Forty President’s Cup basketball league niadtong Martes didto sa Inayawan Sports Complex.

 Ang walay paghupas nga si Michael Arias maoy nangu sa Park ‘N Go sa iyang 30 puntos, samtang silang Jun Nacional ug Al Misa mitampo'g 20 ug 17 puntos matag usa alang sa ilang 2-0 nga baraha.

 Si Teddy Ebrado maoy nangu sa Labarca nga mibahog og 26 puntos, gisundan ni Tony Ungria nga mikandos og 25 puntos. Sila si Jun Cañete ug Gideon Bughao nagkumboya  og 27 puntos alang sa 0-2 nga Labarca.

 Sa laing duwa, gilumsan sa  Water Market ang Akira sa iskor  nga 91-78 ug ang duha pareho karon nagbitbit og 1-1 nga baraha. (BANAT BALITA)

PUNTOS MATAG USA

Unang duwa:

 Park ‘N Go (106) -  Arias 30, Nacional 20, Misa 17, Dejacto 9, Dayota 9, J. Rama 8, Lisondra 7, Ramil 4, G. Rama 3, R. Rama 3, Mosqueda 2

 Labarca Trading (102) - Ebrado 26, Ungria 25, Cañete 15, Bughao 12, Fuentes 8, Dejarme 8, Villaner 5, Almojallas 3

Ikaduhang duwa:

 Water Market (91) - Eleguin 14, Vernaiz 14, Veloso 12, Lim 10, Caumeran 10, Tabar 9, Ozon 8, Jaca 8, Navares 6

 Akira (78) - Sumargo 22, Cabaluna 11, Matulin 9, Labalan 6, Moniva 6, Echavez 6, Sabejon 6, Dela Rama 5, Cabrera 3, Labrada 2